Novas

A PROBA COMEZA O MARTES EN SAGUNTO

Gustavo Cesar Veloso liderará ao Karpin Galicia na Volta a Valencia

[ 23/02/2008 ] O terceiro posto de Gustavo César Veloso no Tour de Langkawi daralle ao corredor arousán a motivación necesaria para asumir o papel de líder do Karpin Galicia na Volta á Comunidade Valenciana, que se disputa do 26 de febreiro ao 1 de marzo. Baixo a dirección deportiva de José Ángel Vidal, no equipo galego, ademais de Veloso, estarán na rolda levantina Ramón Troncoso, Serafín Martínez, Alejandro Paleo, Vladimir Isaychev, Alejandro Paleo e Alberto Fernández.

Gustavo César Veloso buscará na Volta á Comunidade Valenciana o bo nivel exhibido en Malaisia e ao mesmo tempo buscar a regularidade que lle faltou ata o de agora no campo profesional, porque escintileos de calidade si que xa ofreceu uns cantos. O ciclista do Karpin Galicia era distinguido na noite do venres na Gala del Deporte de Vilagarcia (Pontevedra) como o mellor deportista local do 2007, por diante da xogadora de baloncesto Sara Gómez, da xogadora de fútbol Mari Paz Vilas e de Lucas Abal, subcampión de España na categoría benjamín de fútbol.

A proba levantina contará coa presenza dos dezaoito equipos seguintes: Andalucía-Caixa Sur, Team Milram, Lampre, Euskatel Euskadi, Karpin Galicia, Contentpolis-Murcia, Cofidis, Caisse D'Epargne, Bouygues Telecom, Slip Stream, Rabobank, Saunier Duval-Scott, Spiuk, Benfica, Astana, Liquigas e Orbea.

Etapas
Martes, 26 marzo: Sagunt - Port Sagunt, 157 Qms.
Mércores, 27 marzo: Alzira - Xátiva, 178 Qms.
Xoves, 28 marzo: Ibi - Ibi, 166.5 Qms.
Venres, 29 marzo: Náquera - Náquera, 175,6 Qms.
Sábado, 01 febreiro: Valencia - Valencia, 149.4 Qms.