Fundación Ciclismo Galego

Novas

EN DIRECTO POR TELEDEPORTE ÁS 15.15 HORAS

31/07/2010»

O Xacobeo Galicia mídese en San Sebastián ao pelotón Pro Tour

O Xacobeo Galicia toma novo contacto nesta mañá de sábado co calendario Pro Tour a través da Clásica de San Sebastián. Por diante terá 234 quilómetros e Jaizkibel e Arkale como principais obstáculos do camiño. Como opoñentes o equipo profesional galego atoparase con outras vinte formacións con grandes nomes nas súas filas. Un escenario que os técnicos consideran ideal para realizar un primeiro test de selección con vistas á Volta a España. A carreira será retransmitida en directo por TELEDEPORTE a partir das 15.15 horas.

CLÁSICA DE SAN SEBASTIÁN: EN DIRECTO ON LINE

CLÁSICA DE SAN SEBASTIÁN: relación de participantes

Entrar

DECLARACIÓNS DO MANAGER-DIRECTOR DEPORTIVO

30/07/2010»

Álvaro Pino: "O Xacobeo Galicia debe facer na Clásica de San Sebastián un test de máxima intensidade"

Álvaro Pino estará á fronte do Xacobeo Galicia na carreira donostiarra, porque quere pulsar en directo o estado de forma dos seus corredores:

"Cada ciclista do equipo que tome mañá a saída tense que expor a Clásica de San Sebastián como un test de máxima intensidade, polo prestixio da carreira e porque quero facer unha primeira valoración seria sobre o equipo para a Volta a España, dado que este ano estou tendo máis dubidas que ningún outro para confeccionar o ‘nove’ definitivo", declarou o manager-director deportivo do Xacobeo Galicia.

Entrar

A PROBA OFRECE UN FINAL MÁIS SELECTIVO ESTE ANO

30/07/2010»

O Xacobeo Galicia volve ao calendario Pro Tour na Clásica de San Sebastián

O ciclismo regresa ao calendario Pro Tour coa Clásica de San Sebastián, e neste retorno o Xacobeo Galicia será un dos tres equipos invitados pola organización, os cales veranse literalmente rodeados polos dezaoito da máxima categoría do pelotón internacional. Todos eles, vinte e un en total, tomarán a saída mañá sábado ás 11.10 horas desde o Boulevard donostiarra.

Entrar